Йоккха зизай проект я Магасе йоаржаеш
11.03.2026 10:02
Тайп-тайпара массехк эзар хоза хьармакх дӏадегӏа, куц тоадергда Магаса. «Сердалога» из хоам бера шахьара администрацера. Бӏаьстан бетташка шоай хозалца бахархой дегашта тоам беш хургда зизаш.
«Хьармакхий шахьар» яха программа я дӏахьош яр. Керттерча шахьара моттигий куц эргадоаккхаш бола беркате болх ба боаржабер. Карарча хана зизаш дӏадогӏаргдола моттигаш кийчъеш, лаьтта тоадеш боахк Магасе.
Массанена хоза хеташ дола хьармакхаш дӏадогӏар малагӏча тайпара хилча дикагӏа хургда хьожаш ба цу оагӏонцара къахьегамхой.
