Из социальни хьехам тIатовжабаь ба вай кхувш йоагIача тIехьенна тока саьргий объекташта уллув нийсбалча, е шоай вахаре тока бIоагIашца, е ток чуйоагIача хIаманца цхьана нийслуш хилча, цар кхерамзлен Iалашо хургйолаш, уж культурни оагIорахьа, цу гIулакха Iомабергболаш. Цудухьа, из царна хьалхадоаккхаш дIахьош йолча лекцешка дакъа лоацаш хургба: дин хьалхле лелаераш, юкъарлонна доакъашхой, спортсменаш, кхыдолча боахамий кулгалхой, журналисташ, культура болхлой.

«Токах лоравалара лаьрхIа дIахьош йола занятеш «Россете» эггара лоархIамегIа дола дакъа да, сага вахаре токаца дувзаденна зулам ца хилийтара.

Цхьабакъда, цу хьакъехьа, ца хаддаш, дидактически материалаш дIагойташ из болх дегIабоалабеш латт. ДIаэцаргдолчча бесса, из дIахьехар а хила йиш йола зулам дIагойташ дола масалаш а доаладеш кагийбарашца болх бар а — кеттера декхар да.

«Братство Светлых» яха проект — берий унахIено а цар вахар а лорадара бола бувзам ба. Цига дакъалаца оаха бийхараш республике дика бовзаш бола нах ба. Хьалхарча аргIах уж ба дин хьехаш бола нах, иштта шоай къахьегамца тайп-тайпарча балхашка бовзаш бола нах», — аьлар «Ингушэнерго» филиала кулгалхочо ГIоандалой Ислама.

Цу проектах йола хьалхара лекци дIайихьар, Назранерча №12 йолча ишколе. 8-9 класса дешархошта хьехаш хилар «Ингушэнерго» филиала говзанчаш-керттерча инженера гIонча Осканов Ислам, къахьегама говзанча Котанаькъан Аза, ГIалгIай Республика муфте гIонча, Нальганаькъан Iалихан, Назранерча маьждига имам Омаров Мухьмад, Россе спорта мастер Могушканаькъан Мувса.

Энергетикаша берашта ховргдолчча тайпара дийцар, нагахьа санна электрически аьшкасаьрг лотабенна хилча цунна юхе ваха йиш йоацилга, е цунах хий тоха ца дезалга, тока бIоагIашцара ловзар цунна дикка гаьна волаш мара де мегардоацилга, итта метр тока гаьна хила везалга. Уж мо йола моттигаш, дукха хьалхаяьхар царна говзанчаша.

Цул совгIа, чулоацам болаш, лерххIаме къамаьл дир берашца дина хьехамаш деча наха, шийна ховшшехь дегIа зулам дар мел хьарам да хьалха доаккхаш. Уж нах укхаза гулбеннабар, ше лоравенна а ца Iеш, гонахьара бараш а лорабара дола декхар, мел доккха да хьалха даккха берашта.

«Цу тайпара гонахьарчарца а мишта бехктокхаме хила веза хьалхадаьккхар, къахетаме хила везалга дар цу юкъедоагIаш, цу моча хьехамах берашта меттел боккхийчарна а пайда боал», — аьлар Назранерча №12 йолча школа кулгалхочун гIонча йолча Буружанаькъан Лейлас.

Болх йисте боалаш, берашта канцелярски кхоачам белар: тетрадаш, линейкаш, токацара кхерамзле тIайола, книжкашта юкъе дехка каьхата оасаш.