Казанера кремль йолча баха хилар вай мехкахой
Дерригача дунен йовзаш йолча моттиге - Казанера кремль йолча кхаьчар вай мехкара вошал долча республике баха нах. Цу тамашийна йолча моттига хозало цецбаьхабар беррига хьаьший. «Сердалога» их хоам бир цу моттигера.
Массехк оагӏонца йийкъа дӏайихьар цигара экскурси. Гӏалгӏай мехкара кхаьчача СМИ болхлошта, блогерашта шахьара толашагӏа йола моттигаш йовзийташ лийлар гид. Татарий мехка, Казань-Шахьара керттера маьждиг лоархӏаш долча «Кул-Шарифе» баха хилар уж.
Белгалде деза, укх тӏехьарча 10 шера цу маьждиге, вӏалла ца соцаш, ши сахьат массаза доал хувцалуш, хафизаша Къорӏа дешилга. 74 лагӏа лакхе баьлча, цу моттигий хозал гойташ йолча чӏерха тӏа кхаьчар вай мехкахой», - дийцар тха газетага.
Сююмбик гӏала йолча кхаьчача гидо хьадийцар, Казана кремль, деррига лорадеш йола гӏала, хана йӏоахалца латтачара меттагӏъялар сенца дувзаденна да.
Казане даьккхача шин дийнахьа, дукха хӏама бӏаргадайна вай мехкара хьаьший геттара раьза болаш бар. Кхоллама наькъ тӏа эшаргдараш теркалдир цар цига.
