ВИЧ лазарца бувзабеннача кхерамах дувц бахархошка «АнтиСПИД» моттиго
14.08.2025 12:33
СПИДа духьала, иштта кхыдолча инфекционни лазарашта духьала къовсам лоаттабеча цу оагӀонцарча болхлоша, ВИЧ–инфекцех адам лорадара тӀехьа баннерий болх боаржабу тахан.
Наькъа йистошкарча баннераша наха хьалхадоах, СПИД малхбузен моттигаша гойтача киношкара кхерам боссабар хинна ца Ӏеш, бокъонца лоравала везаш, тахан наьха вахар толхадеш хӀама долга. Мехкарча шахьара, юртарча ялх моттиге хьалдийттад йоазош 10-га кхоачаш.
Эггара дукхагӀа нах дӀа-хьа ухаш йола моттигаш хержа, дӀахьош ба из болх. Тахан вайх хӀаране кхетаде деза, СПИД яхар сага вахарера сердал йоаеш, дуккхача наха юкъе зулам доаржадеш у долга.
Иштта цу моттиго арахецийтад ВИЧ яхар фуд двцаш дола буклеташ, бесаш дола листаш.
