Цу Центрашка хьалхара лаьрххӀа дола лорий гӀо ду, дийнахьа дарбанче хила йиш йолаш ба унахой; цул совгӀа, лорашка чакхбала а таро я, шоаш амбулаторе болча юкъа. ГӀалгӀай Республикан Кулгалхочун, Паччахьалкхен зарбан болх лелабераша яхачох, ер шу дӀадоладелча денз, 262 моттиг нийсъеннай из лазар духхьашха гучадаьнна, 271 биопсия яьй, 187 онкологена духьалара дарбаш дара курсаш дӀайихьай. Диспансера учёте латт 2800 саг.

«Онкологена духьалара новкъостал лоаттадар республике хьалхарча аргӀагӀа хила дезаш да, вай республикан унахцӀенон министерстве, из вай декхар да. «УнахцӀено» яха къаман проект хиларах, Россе моттигашка массанахьа цу тайпара центраш я, цар таро лу хьалхарча даькъ тӀа из лазар дий ха; из иштта дале, гучадаккха. ТӀаккха, вайна ховш ма дий, ханнахьа цу лазара духьала дарба деш хилча, из дикача хьале дерзаш хилар», - аьлар ГӀалгӀайчен кулгалхочо Келаматанаькъан Махьмуд-Ӏаьлас.