«ЦаӀ йолча Россе» доакъашхоша ВОВ ветерана лаьрххӀа хьабаь маьнги ийцар
«ЦаӀ йолча Росси» яхача ерригроссийски политически парте викалаш бахар Сийлахь-боккха Даьймехка тӀема ветеран Медаранаькъан Мухьмад волча. ХьалхагӀа цо кхайкарал даьдар царга, лаьрххӀа бола лорий маьнги безаш хиларах.
«ЦаӀ йолча Россе» гӀалгӀай отделене секретара, ГӏалгӀай Республикан Халкъа Гуллама кулгалхочо Тӏумхой Мухьмада ийцар «Армед» фирма безача боараме хьал-Ӏо белаш лелабе йиш йола маьнги. Из бахьаш вера Медаранаькъан Мухьмад волча моттигерча парте исполкома кулгалхо Кхоартой ИбрахӀим, Наьсарен-Шахьара «ЦаӀ йолча Россе» моттигерча отделене секретарь, парте Генеральни совета доакъашхо Бохтаранаькъан Ювсап, иштта Наьсарен-Шахьара совета депутаташ.
«Вай декхар да вай ветеранаш биццабар, царна де йиш йола гӀо дар, цар вахар аттача даккхар. Царна новкъостал лоаттадар - вай декхар да», - аьлар Кхоартой ИбрахӀима, яхаш, дийцар тхона моттигерча парте зарбан болх лелабераша.
