Мехкара ЦУР: бахархой латкъаш хилар 44%-га кхоачаш лохденнад
Бахархой латкъа хӏамаш тохкаш, доашхаш болх дӏахьош йолча мехка доал дара моттига балхах дийцар мехкарча Паччахьалкхен болхлоша. Укх тӏехьарча хана, латкъаш бола нах 44%-га кхоачаш кӏезигагӏа ба.
Жоп луш йола ха а кӏезигагӏа я тахан - 3 сахьати ялх миноти. Эггара дукхагӏа латкъараш Наьсарера ба (31,2%), Шолжа шахьарера 26,8%, Магасера - 14,5%. Шахьараш цхьана вӏашагӏтехача 70% хул из. Цу оагӏонца эггара лакхагӏа латтар – ГУП «Цаӏ вола хин оператор» (33,3%), Шолжа шахьарера мэри - 16,7%, «Ингушэнерго (13,8%).
Белгалде деза, бахархой эггара дукхагӏа раьза цахилар ЖКХ оагӏонца дувзаденна долга - 44,2%. Тока оагӏонцара хьал а шозза айденнад- 26,8%. Мехкадаь зарбан болх лелабераша белгалдечох, ЖКХ оагӏонцара нах раьза цахилар хий дӏалекъадарца дувзаденна да, тока оагӏонца - цхьацца хатараш бахьан долаш ток дӏайоае езаш хиларца. Премьер-министр волча Сластенин Владимира белгалдир, ЦУРа болх тахан хьакимашта, бахархошта юкъе бувзам лоаттабарца лоархӏаме болга.
