Пхьилекъонгий-Юртара «кашамаш ийрчадахар» бакъдац аьлар ГӏалгӀайчен ЦУРо
ГӏалгӀай мехкара хьал лорадара урхаллен центро хоам бир, аргӀанара харц хоам боаржабаь хиларах, из deepfake яхача технологешца вӀашагӀбелла ба ВКонтакташка гӀолла. Зуламхоша хьакхеллар харц сюжет, «ХӀирийчн–Иристон» яхача телеканале гӀолла гойташ хиннай, аьнна. Наьсарен кхален Пхьилекъонгий-Юртарча доазон тӀа «хӀирий кашамаш ийрчадаьхад», яхаш, дувцар цо.
Цу юкъейихьай «ХӀирийче-Иристон» яхача телеканала, тов бетта 28-ча дийнахьа журналиста кхыча зуламех лаьца дувцаш хинна моттиг. Нейросеть новкъосталца ший бокъонца йола оаз кхыча оазаца хийца, дийцад из хIама. Из лаьрххӀа деш да мехкашта юкъера хьал кегадар духьа», - аьлар «Сердало» газетага хоам баьчо.
Цу тайпара хоамий оагӀонаш лаьрххӀа юкъейоахаш я, юкъарлонца ца тоам оттаргболаш, из хьал кегаде безам бараша. Нах тӀахьех, цу тайпара хьал нийсделча, массахана фийла хилара; цун мах бе сих ца луш, из къоастаде ховш хила беза уж.
Иштта цатоам юкъебоаккхаш йола, таханарча заман технологеш юкъейоахаш хьаяь материалаш нийсъелча, цох хоам бар, дех лаьрххӀа йолча органашка.
Из чӀоагӀа лоархӀаме да тахан латташ йолча хана, хоамий кхерамзле лораяра.
