Вакцинацех долча деша къоастам беш хилар Роспотребнадзор
Заместитель руководителя ЦУР Ингушетии Магомед Барханоев встретился с руководителем Управления Федеральной службы по надзору в сфере защиты прав потребителей и благополучия человека по Республике Ингушетия.
«Тахан берий ноаношта юкъе геттара чIоагIа даьржад прививкаша дегIа зе ду, уж кхераме я, вIалла е йиш яц, яйтаргьяц яха къамаьлаш. Цхьаккха бокъо йоацаш наха юкъе дувца даьнна из нийса доаца къамаьл дохадаь дIадаккха деза», — аьлар Камурзой Бориса.
Иштта цо теркалдир, тахан этта из хьал тоаде дезараш, къонача ноаношка прививкаш бера дегIа мелла эшаш я хьалхадаха дезар дарбанчера лораш ба аьнна. «Нонашта дIадувца деза, столбняк, полиомиелит яхача кхерамеча лазарашта духьале е йиш яр вакцинаци я аьнна.
Цул совгIа, хIанз хьаяьнна вакцинаш хьалха хинначаралех дикагIа хьаяь я. Массала, коклюш хилча оаша бера етташ йола антибиотикаш дуккха а халагIа, зе деш я дегIа», — аьлар Роспотребнадзора кулгалхочо.
Тахан берригаш а прививкаш ца яйташ Iийча, геттара хала дола, дукха хана денза дицденна дIадаьнна лазараш юха хьалхьа тарлуш да. Лазараша дегIа деш дола зе дуккха а кIоаргагIа да прививках хинначул.
Тахан вай дерригаш оарцагIдаьнна дIабахьа безаш болх ба ер, аьлар Барханой Мухьмада. Наха юкъе даьржа лела харцахьа дола, бух боаца къамаьлаш хоаддадаь дIадаха деза деррига хьалах ма дарра уж дIакхетабеш.
