Ерригача Россе хьехархой съезде дакъа лоацаш, хилар вай мехкахой
Москве дӀахьош хиннача ерригача Россе хьехархой съезде гулбелар мехкара дешара, Ӏилман, бизнеса оагӀонашца къахьегараш.
Керттерчарех даь, дийцар дешара хьал карарча хана, кхоана хургдар. 2036-ча шерга кхаччалца дешара оагӀонца дӀабахьа беза болх белгалбир съезде, йоккха терко тӀайохийташ. РФ дешара министерствон хоамах, цу оагӀонца кердадараш юкъекхувлаш, боаггӀача боараме болх тоабарах дийцар гулбеннараша.
Иштта съезд хилалехь ди хьалха, мехкарча дешареи Ӏилмани гӀулакхех йолча министерсвошца, ерригача Россе кхетаченаш дӀайихьар. РФ дешара министерствонна хьалха латтача Кравцов Сергейс белгалдир, кердача дешара гӀулакх таханарча хано дӀадеххача тайпара хила дезилга. Кердадараш юкъедоаладеш, дӀабахьа беза берашцара болх боаггӀача боараме, царна терко лоаттаеш.
