Iаьлий-Юртара гимнази мишта тоаяьй хьожаш хилар, депутат Татренаькъан Муслим
С ходом капитального ремонта, который начат в гимназии сельского поселения Али-Юрт, ознакомился депутат Госдумы Муслим Татриев. Вместе с ним здесь побывали региональный координатор партийного проекта ЕР «Новая школа» Сулейм Муталиев, депутат Народного Собрания Ингушетии Магомед Дарсигов и руководитель регионального исполкома Ибрагим Картоев.
«Гимназе кулгалдеча Дибаранаькъан Заремайца болх дIабахара гIулакх мишта латт дийцар оаха. Из дешара кхуврч хьалбаьча хана денза, хIанз хьалхIара дIахьош да кулг тохара белхаш. Таханарча дийнахьа, чухьара белхаш да деш латтараш. Эггара халагIа дар дIадоладе дезаш да.
Керттерачарех латт ахчанцара гIулакх а. Гимназе тоае эшашдараш дукха да. Проекта эшаш дола ахча, шу хьалха къоастадаь латташ дар, бакъда, тахан, эшача кхоачаман маьхаш хувцадаларга хьежжа ахча кхы а эшаргдолаш да. Цу деррига хIаман тIахьожам беш, нийсса из дусташ болх дIахьош ва тахан, подрядни кхуврча кулгалду МутаIаланаькъан Абабукар», — аьлар тха газетага Татренаькъан Муслима. «Гимнази тоаеш эшача ахчал совгIа, цу кхуврча ков тоаде гIо дийхар дешара кхуврча кулгалхочо. Тайп-тайпарча ханашка байнача вай мехкахошта — турпалхошта яьча аллее гIолла, хьожаш чакхваьлар депутат. Тишденна сурташ хувца, аллея доазув тоаде соцам бир цо. Кхувш доагIача берашта бовза беза шоай къаман турпалхой. Эггара хьалха тоае езарех я ер лоархIаме меттиг», — аьлар дешара кхуврче.
