Гӏалгӏайчен бераш ӏомаду, новкъа кхерам боацача тайпара лела
19.09.2025 10:50
Новкъа лелара кхерамзлен Ерригача Россе кӏиранна чудоагӏаш, Яндарерча «Гӏайре» яхача берий беша ухарашта кхетам луш, «Сакъердаме доладалар ПДД мехка» яха кхетаче дӏайихьар, цун чулоацам цӏеро ше хьагойт. Кхетаче хоза а сакъердаме а хилар.
Деша даха ха йоацача берашта хьалхадаьккхар, новкъа лелара керттера бокъонаш малагӏаш я. Масала, сенна езаш я наькъ тӏа ягӏа гӏармаш, фу яхилга да водителашта из санна дола сурт наькъ тӏа хилар.
«Бераш шоашта деннача ПДД дешаех латтача хаттарашта жоп дала хьежар, уж дакъа лоацаш дар «Наькъа гӏарма» яхача эстафете, иштта «Автобуса чу багӏараш» яхача оагӏонца; цига капитанаша, кхерамзле а йоацаш, дӏайига езаш яр ший тоаба из яха езача», - аьлар «Сердало» газетага из кхетаче вӏашагӏъеллараша.
