«Магас-Лада» яхача центра викалаша гурахьа дика къахьийгар
2024 шера гурахьа, «Магас-Лада» яхача центра викалаша 460 машин ехкар. Цо хӀара дийнахьа 40-ел кӀезигагӀа йоацаш автомобиль йоахк. ХӀанз укх сахьате цу фусаме 65 машин я, уж шоай кердача даьшка дӀакхачийта йиш йолаш а я.
2024 шера ийс бетта 4,7 млн сом йоал еннай цу моттиго, цо тешал ду республикан бюджета цо дикка дакъа юкъедахьаш хилара.
Цу компане болх беш ва 12 саг, кастлуш уж хургва 15 саг.
Карарча хана, «Магас-Лада» яхача моттиге автомобилаш тоаеш дола балхаш а ду.
«Мехка кагирхошта болх бе цо таро яларах, «АвтоВАЗ» АО Президента Соколов Максимá баркал оал. Карарча шера профессиональни кийчон, дешара даькъ тӀа бувзам лелабеш; оаха «АвтоВАЗе» Ӏомалуш бола дешархой, студенташ дукхагӀа хилийта лаьрхӀад. 2024-ча шера уж 26 саг хиннача, хӀанз 90 саг ва. 25 саг, ер шу дӀадоладелча денз, массайолча хана болх беш ва», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
«Магас-Лада» яхача центра викалаш вайцига болх беш ба, 2021 шера маьцхали бетта денз.
