Токаца йӏовхал лоаттаеча цӏеношта лаьрхӏа кхыбола мах хургба
Гӏалгӏай Республике ток лелаярах цӏенош, бешамаш лелаерий таронга хьежжа (бешамаш лелаеча коммерчески йоацача юкъарлонашта), централизованни газ, иштта электричестваца йӏовхал лоаттаеш гӏирсаш леладерашта, шийлача заман ха латтача хана, ший белгала бола мах оттабергба.
Гӏалгӏай Республикан Паччахьалкхен вахара инспекце 29.11.2024 шера № 38-П амарга хьежжа (цун ред. Гӏалгӏайчен Госжилинспекце амар да 28.02. 2025 № 15-П) лакхехьа белгалбаьча наха шера заман коэффициент 1,8 я. Цу тайпара, электроэнерги лелаяра шийлача хана 1-ча маьхах (кӏезигача) – 7 020 кВт, 2-ча маьхах (дукхагӏча) – 7 021-гара10 800 кВт ч кхаччалца хургья. Цу юкъебоагӏаш бац дукха дезал барий боахам, царна лаьрхӏа да вахара аьттонаш, уж оттаяьй РФ Президента 23.01.2024 №63 долча Амарах.
Лакхехьа белгалъяь бокъонаш юкъеяхара, уж лелаяра дехар дӏадала деза шоаш бахача моттигерча тока таронех долча даькъе. Шоашца каьхаташ хила деза цӏа е лаьтта шоай хилара тешал деш дола. Иштта каьхаташ хила деза, шоашка централизованни газа ӏалашо цахилар гойташ дола, технически паспорт цӏен е проекта каьхат, шоай токаца лелабеш гӏирс бале, тока таронаш лелаеча болхлоша оттаяь акт а гойта еза.
