ГӀалгӀай къаман
юкъара газет

ДогIаша бохабаьб Буро кIалхара никъ

Эти небольшие коттеджи были построены на окраине с. п. Барсуки в свое время Швейцарским Управлением по развитию и сотрудничеству в РИ для вынужденных переселенцев из Чеченской Республики. С тех пор прошло немало времени, жители этого мини-поселка всякое перевидали, совместно решали вопросы обустройства, наличия электричества, вывоза мусора, устраняли недоделки строителей и многое другое. Короче говоря, пережили много ситуаций из серии «никогда такого не было, и вот опять».

Лела атта, паргIата хургбола никъ ца беш, бисар цу хана. Цхьа бахьан жагIа тессача моттигашка гIолла чакхбувлаш лелар нах. Дала къахетам баь, цхьа юкъ яьлча, Кхоартой оалача урама дIатIаоттача новкъа асфальт биллар. Эггара юхерча ишкола тIабода никъ, шиъ-кхоъ километр ба. Иштта гаьна никъ беш нах лела моттиг, дика тоабаь никъ болаш, моллагIа йолча машена дIа-хьа яха атта долаш, хила езаш яр... Бакъда из гаьна да, тахан хьагуча суртах. Из тайпара, дега хала йола моттиг отт, болх беш баьхкачар шоай декхараш дизза кхоачаш ца дича, дог лазаш къахьегаш ца хилча. КIоагех хьалбиза бола из никъ, ши шу хьалха дIа-хьа аха хала долаш бар. ХIоалчагIа е цIай долаш хилча, цхьа бахьан дIадукъ цхьадола кIоагаш. Бакъда догIа дийлхача, кIоагаш юха гучадоал. Таханарча дийнахьа, шоаш хинначарел шерагIа, дукхагIа да уж. Сов дукха лаьттача догIаша бохабаь никъ лакхера Iочутекхаб.

Наькъа йистош, асфальт бохабеш, Iокхихьай догIо. ДIаходар кхы а халагIа да... Болх бе дагахьа, цигара моттигаш аьхкай. Бера, воккхачунна дIаваха геттара хала долча хьале латт из никъ хIанз.

Хотта, гIум, лакха хьалъэтта латта йоархIаш — деррига вIашагIъийна, цхьа ийрча сурт да цига. Шоай ханнахьа, догIан хиш наькъа кIалгIолла чакхдувргдолаш турбаш яьхкаяларе, из хатар хургдацар тахан. Болх беш баьхкараш сагота хиннабац цу гIулакха, мишта леларгба-хьогI укхаза гIолла нах яха уйла, вIалла гарга а йитаяц шоашта. Лаха эттача, бехкебараш дукха корабоагIаргба вайна... Дукха каьхаташ, тайп-тайпара лоткъамаш, справкаш, кхыдараш дIадолалургда, из тахка хьо эттача.

Бакъда наха тахан дезар, бехкевар лехаш лелар дац, халача хьале бийрза латта никъ бокъолгахьа берзар да. Бахархошта деза, цу гIулакха бехктокхамевар сомаваьнна, ший эхь оарцагIдаьккха, чоалханеча хьале оттабаьча бахархой хьал аттачахьа даккхар. Вай тахан бувцар ба, 720 бера лаьрхIа хьаяьча кердача ишкола тIабода цаI мара боаца никъ. Ишкол болх бе дIайолаялалехь, из моттиг тоа ца йойя, лерттIа ишколе дIааха аьттув хургбац берий. Кхоартой оалаш бола беррига урам тоабе дIаболабала беза, цу гIулакхах жоп дала дезараш! Тахан наха лела моттиг хьае еза цига! Доккхача дикашка, кердадарашка кхача гIерташ, къахьега ловш да вай тахан. Цу моттиге бахача наха а лов, дикача хIамашта юкъе хила, бакъда, никъ ба алар эхь долча гIолла чакхбаьнна, шоай балха моттигашка уж дIакхачалехь, дикка ха йовргья. Боккъал а, из де декхарийла бараш, эхь хийте, бехк хийте, тоабе из никъ!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде