Мехка Кулгалхочун Паччахьалкхен зарбан болх лелабераша яхачох, кердача гӀулакхо таро хулийтаргья наха сихагӀа оарцагӀъаха, иштта тоалургда ха деш болча лорашта юкъера балха хьал, цо ший аргӀагӀа чоалхане хьал эттача сиха новкъостал дергда.

Цул совгӀа, цаӀ йолча диспетчерске лорий болх тоабергба, сиха эшача ханнахьа дӀакхача таро хургья, деш дола дарба а дикагӀа хургда.

Цу гӀулакха керттердар да, малагӀа лорий тоаба мичахьа кхаьчай ховш хилар, цо таро хулийт сихача новкъостала болх аттача баккха, унахочун хьал сихагӀа меттадоаладе.

«Кхыметтел цхьа секунд а йоаеш йола ха лоарае езача хана, лоархӀаме да ма хулла сихагӀа лорий новкъостал сагага дӀакхачийтар», - аьлар ГӀалгӀайчен кулгалхочо Келаматанаькъан Махьмуд-Ӏаьлас.

Белгалдоаккх, из болх дӀаболабеш ба «УнахцӀено» яхача къаман проектах.