Магӏалбике хий чудуллаш дӏабихьача балхага хьежар единороссаш
«Цаӏ йола Росси» яхача Къаман программага гӏолла Магӏалбикерча Нурадиловгӏар оалача ураме хин турбаш хувцаш дӏабихьача балхага хьажа арабаьлар единороссаш. Тоабан юкъе бар парте моттигерча оагӏон секретарь Йовлой ӏусман, депутаташ-единороссаш, шахьарера парте гӏулакх хьаллоацараш.
«Къаман программаца лоархӏаме болх ба бахархошта цӏена, боаггӏача боараме хий хилийтар. Тахан дӏахьош бола болх лерттӏа чакхбаккхара тӏехьа терко е езаш да тхо. Керда турбаш дуккхача шерашка, цхьаккха кхоачамбоацараш доацаш, хий лоаттаде дезаш я наха», - дийцар «Сердалога» Йовлой Ӏусмана.
Бахархошта доккха совгӏт хиннад цу балхах. Къаьнара хин турбаш шоаш дуаргдар диа яьнна дикка ха яр, цунга хьежжа даиман лелхаш, йохаш яр. Иштта депутаташа терко йир хий чудилла даьлча, бохабаь никъ боаггӏача боараме юха тоабаь, шаьрбаь хила безара. Магӏалбике цу оагӏонцара болх каст-каста дӏахьош ба.
