Гӏалгӏайчен экологически проекташ кхоачашъяра федеральни новкъостал дергда
Москве, Гӏалгӏайчен Кулгалхочо тӏадиллача декхарах, РФ Паччахьалкхен Дума депутата Татренаькъан Муслима, ГӏР ӏалама министра Мизенаькъан Микаила балха кхетаче хилар Паччахьалкхен Дума цу хаттарех йолча комитета кулгалхочунца Кобылкин Дмитреца, яхаш, хоам бу «Сердало» газетага ГӏР Паччахьалкхен зарбан болх лелабераша.
«Цига дийцар моттигера проекташ федеральни оагӏонца хьаллацарах, иштта Гӏалгӏайчен экологически юкъарлон хьинар долча наха терко ярах. Кобылкин Дмитре ше кийча ва аьлар дӏахо новкъостал де, хьалхашка латта декхараш кхоачашдеча», - йоах хоамо.
Кхетаче дӏахьош дийцар экологе законаш леладарах, юхакъоастаеш йолча нувхий хьалах, гонахьара ӏалам лорадарах, из болх дегӏабоалабарах.
Терко тӏаяхийтар карарча шера де дезачоа, вай республике экологе Шу хилар чу а лоацаш. Цу лостамагӏа дӏаяхьа лерхӏ кхетаченаш, боламаш, уж лаьрхӏа да нувхаш гулъяра даькъ тӏара экологически хьал тоадара, уж чакхъяхара, дӏаяхара.
Экологически хьалаш тоадара гӏулакх, ГӏР кулгалхой, цу хаттарех долча боахамий, къахьегамхой теркама юкъе да даим.
