«Ингушэнерго» болхлой хьежар, кхерамзлен оагӏош шоашта мишта йовз
«Къилбаседа Кавказа Россетий»- «Ингушэнерго» филиале дӀадихьар пайдане ловзар, къахьегам лорабара темах. Кхерамзлен хьал кхетадеш хилара боарам миштаб хьежар; Наьсарен-Шахьара токаца, иштта Наьсарен, Шолжа, МагӀалбика кхалений токаца (РЭС) къахьегаш бола говзанчаш.
Кхетаче хьайийллар керттерча инженера гӀончас - «Къилбаседа Кавказа Россетий» балха кхерамзлен тӀахьожама Департамента кулгалхочо Каганович Игора, иштта «Ингушэнерго» филиала кулгалхочун декхараш кхоачашдеш волча Котаганаькъан Кимрана.
«Хьалхарча даькъ тӀа сона оттаде ловргдар кхерамзлен бокъонаш лораяра дош, тоабашка шоайла тӀахьожаш хилар мишта латт, цул тӀехьагӀа ха ловргдар сона къахьегам лорабара хьал миштад. Ха йиш я малагӀа бокъонаш лелае еза, бакъда массаза лелаеш хилац уж. Ший а коллектива а хьал лорадеш хиларо дика толамаш доахийт», - аьлар Каганович Игора.
ЛоархӀаме да къахьегам лорабар. Укхаза талмаста хила йиш яц цу хаттарца - гӀалатвалара мах лакха ба», - аьлар Котаганаькъан Кимрана.
Балхаца дувзаденна дӀахьош долча ловзара доакъашхой бекъабелар кхаь даькъа. Хьалхарча даькъе яхьебаьлар, хьаькъале ловзар дӀахьош; цунна чуйоагӀаш яр цӀера, экологе кхерамзле; энергомоттигашка ха оттаде хар; технически кхетаченаш дӀаяхьара тӀахьожам лоаттабар; болхлошца къахьегара бокъонаш йовзар. ШоллагӀча даькъ тӀа доакъашхоша гойтар, лораш хьакхачале деш долча хьалхарча новкъосталга кийчо е хар, лакхача моттигашка кхерамзле лораеш болх бар.
Хьалхашка оттадаь декхараш кхоачашдарах мах оттабеш бар «Къилбаседа Кавказа Россетий» говзанчаш.
Цу тайпара дикагӀа бола толам гойтар Наьсарен, Наьсарен кхален энергетикий тоабаша. ШоллагӀа моттиг яьккхар Шолжа, МагӀалбика РЭСа говзанчаша.
Гӏулакхацара ловзар лаьрхӀа дар балха даькъ тӀа човнаш хулаш дола хьал лохдара, иштта болхлой къахьегама кхерамзлен хьалаш хьакхоллара.
