Вахар хаьдача СВО бӏухочун дезала гӏо дир вай мехка
23.02.2026 10:40
Тӏема аренашка вахар хаьдача бӏухочун ӏажанаькъан Амира дезала оагӏув хьаллоацаш хилар «Даьхен лорабой» яхача ганза болхлой.
«Массехк бутт бар Амир де доацаш байнарашта юкъе вола, хӏаьта укх деношка из Даьле кхеле дӏавийрзав аьнна, хала хоам бенаб даьга, наьнага. Ганза болхло Коазой Хьамид дог деха хьувзача даь, наьна оагӏув хьаллаца, царна эшаш дола гӏо де ваха хилар. Цо царна хьалхадаьккхар, ӏаьдалгара новкъостал хургдолаш малагӏа каьхаташ дӏачудала деза», - йоах тхога бенача хоамо.
Могачох цар дог тедеш къамаьл дир Хьамида, моллагӏа эшаш долча хӏаман тӏехьа шоашка хоам беш хила аьлар.
