Гӏалгӏайчен «Даьхен лорабой» ганз ший бувзам дӏахо боаржабеш я
Гӏалгӏай Республикан «Даьхен лорабой» ганз ший бувзам дегӏабоалабеш я, «Россе эпсараш» яхача Юкъарча российски организацеца. Цунна чубоагӏаш шинна оагӏон таро хургья Лаьрххӏача тӏема операце даькъ тӏа толамаш даха.
«Кхетаче йолаш «Даьхен лорабой» ганза кулгалхочо Оздой Муслима, иштта Гӏалгӏай Республике гӏолла йолча «Россе эпсараш» ООО кулгалхочо Галай Руслана дийцар, дӏахо цхьана болх дӏабахьарах.
Цига керттера оттадаь хаттараш дар бӏухошта лорий новкъостал дар, тӏем тӏара цӏабаьхкараш меттаоттабар. Иштта дийцар дӏахойодача хана бӏухой вахар тоадара хьалаш хьакхолларах, царна дукхагӏа юкъарлон терко лоаттаярах, уж шоай хьалхарча вахара наькъ тӏа боахаш новкъостал дарах.
Къаьстта дийцар цу кхетачене дешара, профессиональни кийчон хаттараш, цо таро лургья бӏухошта кердача хьалашка бала», - аьлар хоамо.
Тӏеххьара, кхетаче чакхйоалаш, шина а оагӏоно чӏоагӏо йир, цхьана уж хаттараш кхоачашде, цо таро лургья Даьхен бӏухой дикагӏа хьаллаца.
