ГӏалгӀайчен кхолламий колледже географи мишта йовз хьежар
Кхолламий паччахьалкхен колледже «Кхесташ да сийна «ахкарг» яха пайдане викторина дӀайихьар. Йоккхача яхьий кепара дӀахьош хиннача кхетачене гулбелар ловзара тӀера бола, хӀама довза безам бола студенташ, уж кийча бар географи дикагӀа йовзараш яха цӀи къовса.
«Из дагадехар а дӀахьош хиннар а яр ӏажанаькъан Идриса Аьсет, цо дешархошта атта доаца хаттараш кийчдаьдар, вай боккхача мехках лаьца. Котало яккха ловш яхьеяьлар «Хьакъала глобус», «Гео Низ» яха тоабаш. Чухьа сатем эттар, доакъашхоша сиха жоп лора хаттара, шоашта из дика довзаш хилар гойташ.
Цу тайпара дӀахьош хиннача ловзарашка котъяьлар «Хьаькъала глобус» оала тоаба»,- хоам бу «Сердало» газетага кхолламий колледжо.
Яхьаш дӀаяхьаро хьагойтар, географи - из духхьал екъа книжка оагӀув хинна ца ӏеш , дийна дуне долга. Кагирхоша шоаш хьаькъал долаш болга хьагойтар, хӀаьта уж хьаллаца баьхкарех шоай тоабай гӏончий хилар, хьаькъале яхьаш дӀахьоча.
