ГӀалгӀайчен Кулгалхочо кхайкарал дир бахархошка, РФ Конституце Ди хиларца
12.12.2024 11:19
ГӀалгӀайчен Кулгалхочо Келаматанаькъан Махьмуд-Ӏаьлас Российски Федераце Конституце Ди хиларца, кхайкарал дир бахархошка. Мехка Кулгалхочо белгалдир, Конституци 1993 шера тӀаийца хилар, дерригача халкъо кхадж тасса, из мехка керттера каьхат хилар.
«Конституци духхьала каьхат хинна Ӏац, из Россе демократически дегӀаяра йола кӀийле я. Цо лораю вай бокъонаш, кортамукъале, законаш лорадар - таханарча юкъарлонна ца хилча даргдоаца дакъа да из», - аьлар Республикан Кулгалхочо.
Ше кхайкарал деш, Келаматанаькъан Махьмуд-Ӏаьлас аьлар, ГӀалгӀайчен бахархошта кхы а дикагӀа таронаш хиларга ше сатувсилга, иштта машар а дика дегӀадар а хилда вай, аьнна, ловца а баьккхар.
