ГӏалгӀайчен кулгалхочо кхайкарал дир бахархошка, ца вовзача салтечун Ди хиларца
03.12.2024 14:49
Республикан Кулгалхочо Келаматанаькъан Махьмуд-Ӏаьлас вахара бувзамашка гӀолла кхайкарал дир ГӏалгӀайчен бахархошка, ца вовзача салтечун Ди хиларца. Цо белгалдир цу денна лерхӀам боккха хилар.
1967 шера, Москверча Кремль тӀайолча даькъ тӀа хьалдир «Ца вовзача салтечун каш», из Сийлахь-боккха Даьймехка тӀом латташ бейнача миллионаш болча салтий дагалоаттама хетадаь дар. Цу юкъе бар ГӏалгӀайчен бахархой а.
«Вай декхар да - даим цар сий дар, уж дагалоаттабар», - аьлар мехка Кулгалхочо.
