ГӏалгӀайчен Кулгалхочо мах оттабир, Магасе Барта майдан тӀа дӀахьоча балха
ГӏалгӀайчен кулгалхо Келаматанаькъан Махьмуд-Ӏаьла ваха хилар Магасерча Барта майдан тӀа дӀахьоча балхага хьажа, яхаш, дийцар «Сердало» газетага Мехкадаь зарбан болх лелабераша.
«Из хьежар болх мишта дӀахьу, из баь баргбола ха а йийцар. Дика хоам ба – майда хьаелларгья маьтсела бетта 9 ди долаш. Цу ханале ӏоакъа Ӏойилла яргья, кхуркхолгаш болх бе долалургда, гонахьара доазув тоадергда. Цӏай долаш столица бахархошта, хьаьшашта хоза моттиг хилар ловра, цига шахьара кхетаченаш дӀахьоргйолаш», - аьлар Макшарипа Махьмуд-Ӏаьлас.
Цу майданна уллув иштта дӀахьош да кхыдола гӀишлон балхаш. Цига хургда кинотеатр, боулинг, берий центр, иштта кхы дукха хӀама. Деррига балхаш даь даргда 2026 шера ардара бетта.
Мехкадас белгалбир хоза архитектура йолаш хьалъеча цу гӏишлон къаьстта бола лерхӀам, ГӏалгӀайчен бахархой, хьаьший безам тӀаозаргболаш хилар.
