Укх деношка лаьрххӀа хьаеллаш яр, республикан кулгалхочо Келаматанаькъан Махьмуд-Ӏаьлас дакъа а лоацаш, кхоъ ишкол. Мехка Кулгалхо хьежар ишколаш малагӀча хьале я, лерттӀа берашта кхетам балара эшаш мел дар Ӏалашдаьдий. Цо белгалдир, таханарча дено дӀадеххача беса цига таронаш хилар а, еррига кабинеташ хоза кулг теха кийча хилар а, цу юкъе спортивни зал, ловзара, спортивни майдаш, библиотека, барзкъа тега цех, кхы дуккхадар а.

Белгалдаккха безам ба, Эбарга-Юрта таханарча дийнахьа болх беш я ялх ишкол, ГӀажарий-Юрта – пхиъ. Уж гӀишлош хьалъярца, шин юртара бераш шин сменах дешаш хилар дӀадаьлар. Из дика толам ба вай республиканна. Цул совгӀа, керда ишколаш - из бахархошта йола балха моттигаш я», - аьлар ГӀалгӀайчен Кулгалхочо.

Шолжера ишкол 720 моттига лаьрхӀа я, хӀаьта ГӀажарий-Юртара, Эбарга-Юртара ишколаш 420,540 моттигаш йолаш я.