Республикерча фермай хьал тахка, аьнна,тIадиллар Мехкадас Минсельхоза
Республикерча фермерски боахамашкара хьал тохкаш хилар вай мехкада Келаматанаькъан Махьмуд-Iаьла. СоагIапча уллача «Мецхал» яхача шуран, дулха кхоачам лоаттабеча СПК хьожаш хилар республикан из. Цунна кулгал деча ГIаьнажанаькъан Заьлмахаца боахама моттигашка хьежа, дIахойодача хана цигара хьал тоадергдарех дийцар цар. Ер шу йистедалалехь кхы а доахан хьатIаэца лерхI цига. Таханарча дийнахьа 650 бежан да ферме. Бакъда шоай доалахьа ялат лоаттадеш йола моттиг цахиларах, беррига кхоачам эца безаш хул, хIаьта цо дукха ахча дIалоац. Юртбоахама гIулакхех йолча Министерствонна тIадиллар Мехкадас; цу оагIонца царна гIо де, аьнна.
«Ферме 650 хьайба да тахан. Царна юкъе Ӏ80 Iасилг да, 400 етт ба, царех Ӏ60 етт бетташ ба. Цхьан Iатто дийнахьа Ӏ6-Ӏ7 литр шура лу. Ӏ40 тонн шура, 70 тонн гаргга дулх вай мехка дIадахьийтад. Из деррига Ӏ0-Ӏ5% чухьнахьа да базар тIа дохкачул», - белгалдир вай Мехкадас. Вай паччахьалкхено новкъостал лоаттаду фермерски боахамашта. ГIаьнажанаькъан Заьлмахана ший болх дIабахьа 644 га лаьтта къоастадаьд цар. «Юртбоахама гIулакхех йолча Министерствон тIадиллад республикерча хIара фермерски боахама хьал тохкаш, царна эшар фуд хьожаш, болх дIахьо, аьнна», - тIатехар вай республикан кулгалхочо.
