ХӀара шера дӀакхухьаш йола берий дехараш кхоачашду проект хьаллаьцар вай Мехкадас
2018-ча шера денз, ерригача Россе моттигашка дӀакхухьаш я берий дехараш кхоачашдеш йола кердача шерца ювзаенна проект. ХӀара шера санна, вай мехкадас Келаматанаькъан Махьмуд-Ӏаьлас хьаллаьцар из проект. Дукха сатийса, хьийга совгӀаташ кхоачаргда ялх берага.
Царна юкъера кхо бер вай мехкара да, кхо бер Россе кердача моттигера. ТӀой-Юрта вахача Юсуфа шийна ех аккумулятор латта машин, цун юртахочо – велосипед, хӀаьта Кердача Реданте яхаш йола Раяна сурташдоахаргах хьегаш йола дукха ха я. Иштта Мехкадас кхоачашдергда хьаькъал дола колонка езача Александра дехар, наушникаши микрофони езача Дениса, Валерияй дехар.
«Берий дехараш кхоачашдеш йола проект хӀара шера ший болх дӀахьош я. Керда шу хьатӀадоагӀача хана, совгӀаташка сатувсаш хул бераш, хӀаьта цар дог хьастар боккха лоархӀам болаш да», - аьлар вай мехкадас Келаматанаькъан Махьмуд-Ӏаьлас.
