Гӏалгӏайчен кулгалхочо дийцар, «Земски» программа дӏахо дӏахьош хиларах
Россе Президента Путин Владимира тӏадиллар тоае аьнна, «Земски хьехархо», «Земски лор», Земски фельдшер», «Земски культуран болхло», иштта «Земски тренер». Гӏалгӏайчен кулгалхочо Келаматанаькъан Махьмуд-ӏаьлас белгалдир, уж дӏаяхьара хьал аттача даккхаро, доакъашхой цу юкъе дукхагӏа хиларо, дикка лакхбергба ювца программаш царна юкъе дакъа лоацаш барашка дӏакхоачаш хилара боарам.
Цо иштта белгалдир Президента хьалхадаьккхар дӏадахьар лоархӏаме долга, из дувзаденна да яьннача хана боарам цаоттабарца. Цо яхачох, дикагӏа таро хургья программашка къона говзанчаш болх беш хилара. Иштта уж йоал яла езаш а хургбац.
«Цу таронаша юкъебоалабергба юрташка болх бу хьехархой, лораш, тренераш, культура болхлой - наьха вахара хьалаш тоадара эшаш бараш. Вай республикан из тӏехьара тӏа дола новкъостал да, эшаш болча болхлошца моттигаш чӏоагӏъяра, иштта бахархошта дикагӏа дола вахара хьалаш хьакхоллара», - аьлар Мехкадас.
