ГӏалгӀайчен Кулгалхо нах тӀаэцаш хилар
ГӏалгӀайчен кулгалхо Келаматанаькъан Махьмуд-Ӏаьла нах тӀаэцаш хилар. Цига дакъа лаьцар паччахьалкхенна чуйоагӀаш йолча министерствоша, доал деча моттигашкарча кулгалхоша.
ГӏалгӀай Республикан Кулгалхочун, Паччахьалкхен зарбан болх лелабераша яхачох, дийца дешаш дар юкъарча транспорта, наькъа, спортивни лостам болаш, иштта юрташкара хьалаш тоадар.
Масала, бахархоша хьоахадир №6 йола маршрут тоъаш цахилара дош, из Наьсарен лорий шин моттиге вугаш я - берий а шахьара а поликлиникашка. Иштта дийцар шоашта хьалхашка нийслуш долча кхоачамбоацарех. Макшарипа Махьмуд-ӏаьлас ший аргӀагӏа уж декхараш тӀадаьхкар царца ювзаенна йолча министерствошта, шахьара администрацешта. Цул совгӀа, нах тӀаэцаш, дийцар Наьсар-Кертера никъ тоабара, Тӏой-Юртара ФОК республикан доалахьа федеральни программашка дакъа лоацаргдолаш дӀаялара дешаш, иштта дийцар Ӏаьлий-Юртара Кагирхой урам тоабара гӏулакх, цу тӀа СВО ворхӀ бӀухо вах.
Белгалду, уж деррига хаттараш техкар. Царех цхьадараш дӏа теркалдергда 2026-2027 шерашкара бюджет чӀоагӀъеча заман чухь.
Нах тӀаэцаш, ГӏалгӀайчен Кулгалхочо теркам тӀабахийтар доал деча моттигаша бувзам лелабе безар нахаца, транспортах йола йоал яккхара дешаш кхоачашдеча даькъ тӀа, яхача деша:
«Бахархой цу хьалаца бехктокхаме хила беза. Из лоархӀаме долга кхетадеш хила веза хӀаравар, хӀана аьлча из йоал дӀалуш хиларо таро лу наькъаш тоаде. Наькъаш дика хилар, иштта ЖКХ даькъ тӀара хаттараш кхоачашдар цунца дувзаденна да».
Белгалду, уж декхараш кхоачашдар республикан Кулгалхочун теркама юкъе хургда.
