Дешара моттигий кулгалхошца кхетаче дӀайихьар Мехкадас
Республикерча дешара моттигий кулгалхошца кхетаче дӀайихьар вай мехкадас Келаматанаькъан Махьмуд-Ӏаьлас. Кхетаче дийцар хьехархошта юкъе таханарча дийнахьа геттара ира латтача кхоачамбоацарех, иштта уж юстардоахаш дӀабахьа безача балхах. Керттердарех да, аьнна, белгалдир ишколашта, берий бешамашта, колледжашта эшаш дола гӀо лоаттадар.
Карарча хана ахчанцара кхоачамбоацараш тоадарал совгӀа, цу оагӀонцара болх боаггӀача боараме дӀабахьа безилга теркалдир Мехкадас. Цунга хьежжа, дӀаухаш долча ахчан гӀулакх хила деззача тайпара тоаде деза, тӀахьожам лоаттабе беза, иштта цу оагӀонцарча балхах йола программаш вӀашагӀйохка еза.
Къаьстта йоккха терко еш дийцар эггара дукхагӀа кхоачамбоацараш долча моттигашта терко ярах. Дешара моттигашкара цу оагӀонцара болх цхьатарра нийсхо йолаш дӀакхахьа безилгах хьоахадир республикан кулгалхочо.
«Таханарча хано дӀадеххача тайпара, кхоанарча вахаре дешара хьал мишта хургда хьалххе уйла еш дӀадаха деза вай. Массане цхьана, бехктокхаме къахьегаш: кулгалхоша, хьехархоша, даьша, ноаноша - дакъа лоацаш мара лакхаленга кхоачалургдац. Массане юкъара гӀулакх да из», - белгалдир Мехкадас.
Кхетаче чакхйоалаш, массанена баркал аьлар мехка Кулгалхочо.
«Республикерча дешара оагӀон моттиг хӀара бера дикагӀа, паргӀатагӀа, боаггӀаче боараме хургйолаш; къахьегаргда вай цхьана. Болх дӀабодаш ба!» - тӀатехар вай Мехкадас.
