ГӏалгӀайчен Кулгалхочо, хаоттам хувцабаларца, тӀахьожам лакхбар дийхад
Атта доаца наькъа хьал нийсделар ГӏалгӀай мехка хаоттам хувцабаларах, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша. Хаоттам тохкараша яхачох, карарча ден-бус лоа дукхагӀа делха тарлуш да.
Келаматанаькъан Махьмуд-Ӏаьлас аьлар, мехка наькъаш тӀа лоа дӀадоаккхаш йола техника дукхагӀа хилийта. Цул совгӀа, ГӏалгӀайчен Кулгалхочо Илдарха-Гӏалан, МагӀалбика, Наьсарен, Шолжа- Шахьара кулгалхошта цу хьалага кийча хилар, хӀанззе а из болх дӀаболабар тӀадиллар.
«Массаболча доал дара даькъ тӀарча кулгалхошта тӀадиллар, цу гӀулакхах бехктокхаме болча наха ден-бус ха дергдола болх вӀашагӀболлар, наькъашкара хьал а наьха дехараш а теркама юкъехилийтар», - аьлар Келаматанаькъан Махьмуд-Ӏаьлас.
Кулгалхочо белгалдир, ше цу гӀулакха тӀахьожам лоаттабеш хургволга.
