ГӀалгӀайчен кулгалхочо дийцар, «Культура» яха къаман проект кхоачаш мишта ю
ГӀалгӀайчен кулгалхочо Келаматанаькъан Махьмуд-Ӏаьлас дийцар, ший телеграм-каналага гӀолла, «Культура» яха къаман проект кхоачашъеш дӀахьоча балхах.
Ер шу чакхдалале, ЖӀайрахьа хьалдаь даргда культуран ЦӀа, из хьалдеш да «Культуран хьал» яхача федеральни проектах. ХӀанз из гӀишло хьалъяь яьннай 80%, кастлуш юртхой таро хургья цӀенача культуран ЦӀагӀа шоай кхетаченаш дӀакхахьа.
Цул совгӀа, цӀенхашта ремонт яьй Йоккхача Ачалкхен культуран ЦӀагӀа, Магасерча театра, кинон, таханарча заман тароний Центре. Иштта ашарий гӀирсашца Ӏалашо яьй республикан культуран моттигашка.
Кхоачашъеш я «Кхоллама нах» яха проект. Цо, мехка Кулгалхочо ма-аллара, новкъостал ду кхоллама болхлой говзал лакхъе.
«Тахан кхоллама даькъ тӀа керда болхлой ба болх беш, цунца цхьана болхлошкара хьадехар а тахан дукха да. Ер шу чакхдалале, дийша варгва цу даькъ тӀа эшаш вола 121 саг», - аьлар Махьмуд-Ӏаьлас.
