Хьагучох, бюджете хьачудоагӀар 27 млрд 368 млн сом да, дӀадодар хила тарлуш да 27 млрд 744 млн сом, цига ца тоъаш дар 376 млн сом хул. Иштта лаьрхӀад, республикан паччахьалкхен чура декхар, эггара дукхагӀа дале а, 2026 шера наджгоанцхой бетта 1-ча денга кхоачаш 2 млрд 349 млн сом мара хила йиш яц.

Бюджет вӀашагӀъеллай федеральни оагӀорахьарча дотацех, субсидех, кхыча вай бюджете хьакхоачаш долча 19 млрд 607 млн сом ахчах, иштта йоалах а йоал йоацаш а хьачубоагӀаш бола 7 млрд 761 млн сом пайда юкъе а болаш.

Мехка Минфине ма аллара, хьатӀадоагӀача шерара бюджет оттаяьй 2035 шерга кхаччалца мохк вахара-экономически дегӀаахар дӀа а лоархӀаш. Цига иштта дӀалаьрхӀад йоал яккхарах а йоал йоацаш а хьа тӀабоагӀаш бола пайда.

«ДукхагӀа дола бюджета ахча вай дӀадодаш хул социальни даькъ тӀа. Ах ахча дӀадохийтаргда дешара, вахара политиканна, унахцӀенонна. Цун тӀеххьа я культура, спорт, уж ца хилча яргйоацарех а я, вай бахархой физически дегӀакхувлара», - аьлар Келаматанаькъан Махьмуд-Ӏаьлас.

Кулгалхочо хьалхашка оттадир керттера 2025 шера декхараш - дӀахо а республикан бюджетни, йоала политика, хьабоалаш бола пайда лакхбеш, дӀаяхьар.

Иштта лакхбе лаьрхӀад йоалах хьабоала пайда, паччахьалкхен декхар лох а деш.