ГӏалгӀай Республикан Кулгалхочун, Паччахьалкхен зарбан болх лелабераша хоам бир литература, культура, искусство дегӀайоалаеча; спорта, унахцӀенон, Ӏилман, кхоллама балха, бокъонаш лораяра даькъ тӀа дукхача шерашка къахьегарах, ГӀалгӀайчен бахархошта совгӀаташ делар.

Масала, Ужахьанаькъан Аьсета «Турпал-нана» яха цӀи елар, цо дукха дезал кхебарах. Россе Президента баркал оалаш, совгӀат делар Ӏоахарганаькъан ЧхьагӀа цӀерагӀча гуманитарни Ӏилмай ГӏалгӀай Ӏилма-тохкама института кулгалхочунна Оздой Жамбулата, мехка хоржамий комиссе кулгалхочунна Йовлой Мусайна.

Юкъара дӀалаьрхӀача, 60 гаргга сага совгӀаташ делар цига.

«Цу дерригача къахьегама толамаша дика масал гойт тӀехьа тӀайоагӀача вай тӀехьенна, кердача лакхаленашка кхачара уж тӀахьех. Из да цу наха шоай профессех хержа болх лерттӀа кхоачашбаь хилар, дика къахьегар, цудухьа оаха доаккхал ду уж тахан лархӀа йиш хиларах. Белгалдаккха лов, вай бахархой къахьегам дӀахо а терко йоацаш бусаргбац», - аьлар республикан Кулгалхочо Келаматанаькъан Махьмуд-Ӏаьлас.