ГӏалгӀайчен Кулгалхочун вӀашагӀкхетар хилар, Росси экономически дегӀайоалаяра министраца
Эса тӀарча хих пайда эцаш йола гӀишло яра, «Ӏарамхи» оала курорт дегӀайоалаяра, ГӏалгӀайче цаӀ мара йоаца аэропорт тоаяра йола «Хьалхара» проекташ кхоачашъяра дешаш дийцар ГӏалгӀайчен Кулгалхочо Келаматанаькъан Махьмуд-Ӏаьлас, РФ экономически дегӀакхувлара министраца Решетников Максимаца.
Мехка кулгалхочун зарбан болх лелабераша хоам бир, экономика дегӀаяра Министерствос белгалъяьха проекташ кхоачашъяра, цу юкъе «Магас» аэропорт а йолаш, новкъостал дергда, аьнна. Керттера терко лоаттаю хьалхарча аргӀагӀа кхоачашъе езача проекташта, уж кхоачашъеш хиларца 22 млрд сома инвестицеш хургья.
Цу кхетаче дийцача дешаех керттера Эсах пайда эцаргбола гӀишло хьалъяр дар. Келаматанаькъан Махьмуд-Ӏаьлас белгалдир, цу гӀулакхо мехка хицара таронаш дикагӀа хулийтаргья, аьнна. Цул совгӀа, дийцар «Ӏарамхи» курорт 2029 шерга кхоачаш хьалъяь яккхара хаттар. Цох ГӏалгӀайченна дика туристически моттиг хургья.
«Кхетаче дика дӀайихьар. Баркал ала лов Решетников Максима, цо вай республикан лерхӀаме хаттараш кхоачашдара деш долча новкъосталах. Министра «ГӏалгӀай Республикан паччахьалкхен 100 шу дизара» юбилейни майдилг елар», - аьлар мехка Кулгалхочо.
