Мехкадаь кхетаче хилар Сорбонна университета профессорца Цхьорой Маретаца
Магасе кхетаче хилар Келаматанаькъан Махьмуд-Ӏаьлий Францерча вай мехкахочунца, тохкамхочунца, дин исторе Ӏилмай докторца Цхьорой Маретаца.
Сорбонна университета профессорца, мехка Кулгалхочун къамаьл дӀаьха хилар: Цхьорой Марета вахара никъ, цун Ӏилман балхаш, ГӏалгӀайчен истори, иштта кхы дуккхадараш дийцар.
Цхьорой Марет ший балха даькъ тӀа лакха говзал хинна Ӏац, из дерригача дуненца хьашт долаш; вахара, культуран доакъош тӀа дика йовзаш саг я. Цун къамаьлах хоалуш да исторех из дика кхеташ хилар, хилча бакъахьдар дуккха а хьалхагӀа цунна гуш долга.
«Хьаькъал долча, безамеча нахаца кхетаче хилар - из вахаре эггара лакхагӀа мах бар да», - аьлар Келаматанаькъан Махьмуд-Ӏаьлас.
Цхьорой Марет 50 Ӏилман статьяй автор я. «ГӏалгӀашта, нохчашта юкъе ислам доаржадара истори» яха ший докторски диссертаци цо язйир 2002 шера французий меттала.
2005 шера вай мехкахочун шоллагӀа докторски диссертаци могаю.
