Шолжа кхален кулгалхочо шера баьча балхах дийцар

Гӏажарий-Юртара хицара хьал тоадара дукха болх бир. Укхаза болхлоша ши километр совгӏа керда хин турбаш чуяьхкар, шиъ хий чулоаттаду моттиг йир, бӏаь кубометр хий чудодаш. Юрта токацара хьал дикагӏа хургдолаш керда трансформатор оттайир, 250 кВА низ болаш. Коммунальни хьалаш хьакхолларца цхьана, Гӏажарий-Юрта транспорта хьал а тоадир: ийс километр гобаьккха никъ ӏобиллар, цо таро елар цу юртарча ишкола, иштта вахарца ювзаенна кхыйола массехк моттиг кхерамзле йолаш хилийта.

Цу тайпара керда хьалаш хьакхеллар Эбарга-Юрта, керда цӏенош хьалдаьча моттиге кхоъ километр гаргга хий чудиллар. Инженерни хьалаш хьакхолларах, бӏарчча урамаш централизованни ӏалашонга даьхар, хӏаьта кхерамзле йолаш из доазув хургдолаш, цӏи йоаяра дика таронаш йола гӏирсаш оттадир цига.

Дӏадахача шера Шолжа кхален къаьстта карагӏдаьннарех лархӏа йиш я, лаьтташ шоай доалахьа дерзадара даькъ тӏа дӏабихьа болх. Гӏалгӏайче гӏолла даь балхаш дӏалаьрхӏача, тха администраци хьалхарчарех цаI инвентаризаци яра план кхоачашъяь, паччахьалкхенна тIера 2,4 эзар гаргга моттигаш дӏайоахаш. Цунца цхьана болх дӏабихьар дӏа-юха лелаш доаца доалахьара боахамаш гучадоахаш, цу тайпара 352 моттиг доалахьа хилар дIаяздир.

Дика толамаш дахарца цхьана, Татенаькъан ӏийсас белгалдир цхьацца йолча моттигашка болх чӏоагӏбе безаш хилар. 2026 шу дӏадолалуш, керттерча декхарех хургда, леладеча коммунальни хьалех бола мах гулбар. Кхален кулгалхочо тӏадиллар даькъ тӏарча боахамашта, укх шера хьалхарча кхаь бетта, хӏара юрта мах гулбара йола план гойтар. Доал дара даькъ тӏарча кулгалхочо бахархошка кхайкарал дир, уж тӏахьехаш, шоай ханнахьа чота тӏа дӏабехаш латта мах дӏалуш хилара, цо иштта хьалхадаьккхар, коммунальни балха толамаш, кхален дика вахар бахархой бехктокхаме хиларах тийша долга.