Лоаман моттигашкара Ӏалама хьал дикача боараме хила деза
30.05.2024 08:56
Вай мехкара лоаман моттигаш эггара цӀенагӀа, беркатегӀа лоархӀаш хиннай массахана. Цигарча бахархой, лоаме хьалъухача наьха декхар да ишттача хьале уж моттигаш лоаттаяр.
Ӏалама гӀулакхех йолча Министерствон болхлоша, ЖӀайрахьа кхалерча администраце къахьегамхошца цхьана, цу мугӀарера болх дӀакхухь цигарча бахархошца, гӀишлон балхаш деш боахкарашца.
Из хоам «Сердалога» бир министерстверча къахьегамхоша. Эггара керттерча гӀулакхех да, аьнна, къоастадаьд,
цигарча моттигашка бӀехденна хиш цӀендеш дола гӀирсаш оттадар. Наьха унахцӀено лораяра, Дала хьаденнача цу хозача Ӏалама зе ца хилийтара тӀехьа дӀахьош лоархӀаме болх ба из. ЧӀоаггӀа терко еш, чакхдаккха дезаш гӀулакх да из», - белгалдир министерстве.
