Терроризма, экстремизма духьалара къовсам чӀоагӀбеш латт
Тахан ГӏалгӀайчен МагӀалбика кхален терроризма духьаларча комиссе дийцар; дешара моттигашка, берий бешамашка терроризмах лоралу болх чӀоагӀбе безаш хиларах. Терроризма, экстремизма духьала къовсам лоаттабара хьакъехьа беш бола болх ма хулла дукхагӀа боаржабара, каст-каста дешара моттигашка из дӀахьош хилара терко е езилга хьоахадир цига.
«Терроризма тийшача балха юкъе вай бахархой нийслургбоацаш, нах бахача моттигашка профилактика яра болх дӀабахьа беза, яхаш белгалдаьккхар. Россе МВД «Малгобекский» оалача МО болхлой, доал дара даькъ тӀарча кулгалхошца, дийшача нахаца къахьегаш хила беза, терроризма зулам наха довзийташ, уж воча гӀулакхех лорабеш. Иштта болх дӀахьоргба кхыча паччахьалкхера вайцига хьабоагӀача нахаца, цу юкъе ЦАР»,-аьлар «Сердало» газетага МагӀалбика кхален администраце зарбан болх лелабераша.
Кхетаче гулбеннараша мах оттабир таханарча денга кхоачаш лорае езача гӀишлошка, дешара моттигашка цу балхага кийчо яь хилара.
