ГӀалгӀайчен Кулгалхочун зарбан болх лелабераша ма аллара, цу даькъ тӀара программа кхоачашъю массехк шу да. Из программа дӀахьош я, СКФО чуйоагӀача моттигашта новкъостал де дагахьа, масала, электроэнергех доагӀаш дола ахча хьагулдара е еха гӀишло юкъера дӀаяккхара.

«Вай мехка ЖКХ хьал дегӀадоаладара федеральни ахча луш хиларо дика толамаш даха таро хулийт. Республике аьттонца дӀахьош ба энергосетей къаьнара гӀирсаш кердачарца хувцара болх. Иштта дика толамаш доах газаца, хица Ӏалашбара даькъ тӀа», - аьлар мехка кулгалхочо Келаматанаькъан Махьмуд-Ӏаьлас.

Белгалду, хица дувзаденна дешаш аттача даьлар, мехка ЦаӀ йола оператор хьакхеллача денз. Из хьакхоллара бахьан дар, наха лоаттадеш дола вахара хьалаш дика хилийтар, дӀадодаш дар дукхагӀа пайда эцаш леладар, хьалаш зехьа цадоадар, ше-ше дӀабода оалача кепара болх лелабар.

Мехка кулгалхочо ма аллара, ЦаӀ йола оператор хьакхеллача денз, хий зехьа доадеш йола моттигаш дӀаяьлар, болх а аттача баьлар.