Цхьацца оаттонаш енна нах хьаллацара, ахча лургда республиканна
ГӀалгӀайченна кхы тӀа 61 миллион сом ахча лургда, заӀапхошта, тӀема доакъашхошта, радиаци, кхыдола чоалхане хатараш хиннача наха лаьрхӀа. Къаьстта уж нах ба федеральни оаттонаш йоагӀараш.
Ахча республике а Россе кхыча мехкашка а хьадайтаргда, премьер-министра Мишустин Михаила лаьрхӀа ма хиллара. Цу тайпара, вахара-коммунальни хьаштех дӀалуш болча маьхах 50% да из.
«Из ахча федеральни бюджетера луш хиларах, федеральни оатто йоагӀачарна хьалхашка тӀаийца, цар ЖКУ дӀадодаш дар меттаоттаде тӀаийца декхар кхоачашде таро хул. Из дика новкъостал да хьал доацача наха, вахара гӀулакхаш тоадара», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.
Республикан Кулгалхочун зарбан болх лелабераша хоам бу, карарча хана, наха вахарца дувзаденна новкъостал дара йола оагӀув дӀахьош хиларах. Масала, укх шера аьтинга бетта, вахача моттигах, коммунальни хьаштех дӀадодаш дар меттаоттадара дешаца ювзаенна законопроект тӀаийцар.
