Белоруссецара бувзам чӀоагӀбергба ГӀалгӀайчено
ОагӀой бетта 11-ча денгара 14-ча денга кхаччалца, ГӀалгӀайчера Белоруссе гӀоргба вай викалаш, цар хьош бола никъ ба вайца доттагӀал долча паччахьалкхенцара бувзам чӀоагӀбар. Цу тоабанна чубоагӀаш ба ворхӀ министерствон, туризма комитета викалаш.
ГӀалгӀай Республикан Кулгалхочун, Паччахьалкхен зарбан болх дӀахьораша яхачох, теркама юкъе хургда ГӀалгӀайче дарбан баьцаш гулъяр, Белоруссера инвестораш юкъе а баьха. Иштта лерхӀ, «Белшина» ОАО викалий фусам хьаеллар, «МТЗ» ОАО викалий центр хьакхоллар дувца, цо таро хулийтаргья, болх дӀахо дикагӀа тоабе.
Белгалду, Белоруссера товараш вай республике дика довзаш да, уж да юртбоахама кхачан даараш, лорий гӀирсаш, менеральни удобренеш, дулх, москалаш, кӀалах даь гӀирсаш, екъа гӀишлон материалаш, минеральни хий, кхы а дукха ахархоша кхелла хӀамаш.
Цига вай викалаш болхаш хиларах лаьца дувцаш, Келаматанаькъан Махьмуд-Ӏаьлас белгалдир, мехко хоадам боллаш проекташ кхоачашъе лерхӀ, шинна а паччахьалкхенна цох пайда хургболаш. Со тешаш ва, лаьрхӀар кхоачашдара из дика никъ хиларах», - аьлар ГӀалгӀайчен Кулгалхочо.
Россе президента тӀадиллача декхарах, чӀоагӀбеш ба Белоруссена, ГӀалгӀайченна юкъера бувзам, из лаьрххӀа чӀоагӀбаьб мах бара-экономически, Ӏилман-технически, вахара-культуран бувзам халкъашта юкъе лелабара Петербурге 2019 шера дӀайихьача экономически кхетаче.
Шоайла бувзам лелабара никъ чӀоагӀбара, оагӀой бетта 2023 шера, «Россия» яхача гойтаме-кхетаче дӀадихьар шоллагӀа ГӀалгӀай Республикани Белоруссеи балха тоабан вӀашагӀкхетар.
