ГӀалгӀай мохк бувзам лелабеш хургба, Нохчий ФСИН Урхалленца
Магасе балха кхетаче хилар, цун юкъе дакъа лаьцар ГӀалгӀай Республикан кулгалхочо Келаматанаькъан Махьмуд-Ӏаьлас, Нохчий Республике гӀолла волча Россе ФСИН Урхаллен кулгалхочо АдаевгӀар Ахьмада. Дийца дош дар Нохчашкахьа хьадеш долча гӀирсий заказаш леладара даькъ тӀа шоайла бувзам лелабар.
АдаевгӀар Ахьмада гойтар Келаматанаькъан Махьмуд-Ӏаьланна Нохчий Республике набахта боахкача наьха къахьегама центраша арахецаш йолча хӀамаех бола хоам тӀабола буклеташ. Келаматанаькъан Махьмуд-Ӏаьлас цига белгалдир, гӀирс тегача фабрике хьабеш болча дегӀа тӀа бувхабеча, кога тӀа бувхабеча гӀирса заказ деш хилча; нийса хургдар, аьнна. Цул совгӀа, цунца цхьана моттигера къахьегам хьаллоацаш хиларца, из пайдане хургдар.
Цхьана кхетаче дӀахьош, шинна а оагӀоно лаьрхӀар, Нохчий мехкарча гӀалатваьнна саг тоавалара йолча центра уж заказаш лоаттадара таронаш совъяха. Цунна чудоагӀаш дар, цу даькъ тӀа аьшках, дахчах, кхыча бийдалах тайп-тайпара гӀирсаш дар.
