Бахархой къахьегама гӏулакхашца дувзаденнараш кердадоахаш ба мехка
2027-ча шера бахархой къахьегама гӏулакхех йолча моттигашка цхьацца хувцамаш хургда мехка. Цу оагӏонцара болх дикка тоабеш хургья Россе къахьегама гӏулакхех йолча министерствос йоаржаеш йола проект.
Мехкадаь зарбан болх лелабераша белгалдечох, кердача моттигашка гӏолла моллагӏа хӏама тахка, болх лаха, бизнес хьаелла дуккха аттагӏа да бахархошта. «Къаьстта терко ергья кагирхой ӏомабарца дувзаденнарашта. Кердача хувцамех да «цаӏ дола кор».
Цунга гӏолла дукха хӏама цхьан моттиге тахка, довза йиш я», - белгалдир ший вахара оагӏонашка вай мехкадас Келаматанаькъан Махьмуд-ӏаьлас. Карарча хана, хьабе болх боацаш дӏаязбаь латтараш 15 эзар совгӏа саг ва мехка.
Болх лохаш дӏаязбаь латтараш 5,6% я, хӏаьта болх цахилара гӏулакх ма дарра теркалдича 26% тӏа латт из.
