«Наьсаре - Сипсой-ГӀала-Шолжа-ГӀала» яхача цӀермашиннаькъа доазонаш тохкаш хургья ГӀалгӀайче, Нохчийче РЖДца
«Наьсаре - Сипсой-ГӀала-Шолжа-ГӀала» яха цӀермашиннаькъа доазош тохкаш хургья РЖД болхлой, гӀалгӀай мехкарча, нохчий мехкарча паччахьалкхен доакъашхой юкъе бола тоаба. Из болх дӀабахьа яь чӀоагӀо я кхаь оагӀон викалаш юкъе болаш хьоггехьа.
«Республикерча паччахьалкхено «Сердало» газетага беча хоамах, цӀермашинникъ автомобилий наькъаца вӀашкаотташ йола моттигаш белгалъеш, болх дӀахьоргба тоабо, иштта дӀахьоргда кадастрови балхаш. Шаккха оагӀонца чӀоагӀо еш дола каьхаташ оттаде дезаш да из деррига.
Цул тӀехьагӀа дӀаболалургба Къилбаседа Кавказера цӀермашиннаькъий гӀулакх тоадеш хургйолча проекта тӀехьа къахьега. Ер шу йистедалалехь, чакхбаккха лерхӀ беррига болх.
«Шинна республикан аьттув болаш, лоархӀаме проект я из. ГӀалгӀай, нохчий мехкашкарча туризма, экономикан хьал тоадеш хургба из болх», - белгалдир вай мехкадас Келаматанаькъан Махьмуд-Ӏаьлас.
