ГӀалгӀай мохк хьалха ба, бойла диса бераш теркалдарга диллача
ГӀалгӀайче хьалха я бойла дисача берий хьал тоадарга диллача. Республикан кулгалхочо Келаматанаькъан Махьмуд-Ӏаьлас белгалдир, из толам баккха таро хилар дукхача хана денз хьадоагӀаш дола къаман Ӏадаташ бахьан долаш, дезал а гаргара нах а юкъарча вахаре керттера моттиг дӀалоацаш хиларах.
Дукха ха йоацаш, берий бокъонаш лораяра викал йолча Львова-Белова Марияс из тамашийна хьал чӀоагӀдир, Ӏадаташца дувзаденна берий цӀенош цахилар белгалдеш. Тохкамо хьагойт, республике чудаха фусам а доал де саг а воацаш бой цахилар - уж дерригаш а шоай гаргарча наха леладеш хилар.
Львова-Беловас ГӀалгӀайче белгалйир «тамашийна масал» хилар берригача мехка, из хьал кхычар леладеш даларе дика дар, аьнна.
Вай мехка латтача хьало хьагойт дезалера моттиг чӀоагӀа хиларо, Ӏаьдало цу гӀулакха терко лоаттаяро, Ӏадаташ лорадеш хиларо дика толам боаккхилга цу даькъ тӀа», - аьлар ший аргӀагӀа Келаматанаькъан Махьмуд-Ӏаьлас. Цо иштта тӀатехар, республика кийча хилар Россе кхыча регионашца цу балхах ховр декъа.
Белгалду, карарча шера, бекарга бетта республикан Кулгалхочунца Львова-Беловай кхетаче йолаш, могадир ГӀалгӀайче керда вахар меттаоттадара, халача хьале долча берий центр хьаелла.
