Ӏан кийчо е гӀо деш я вай республика
ГӀо лоаттадергда, аьнна, дӀадахача шера чӀоагӀо яьча Запорожски областа Токмакски кхаленна могаш дола новкъостал деш я вай республика.Шелала духьала кийчо е гӀо деш ба царна карарча хана.
Эггара хьалхарча аргӀагӀа газацара гӀулакх меттадоаладе деза. Молачанскерча амбулаторе йӀовхал лоаттаеча моттига лаьрхӀа, ГРПШ-05-2УӀ гӀирсаш дахьийтад. Газ ший хила беззача боараме хьаахийтара эшаш я уж хӀамаш. ДӀахо хин гӀулакх меттадоаладе деза. Цу гӀулакха лаьрхӀа Молочанске яхьийтай насосаш, трансформатор, иштта кхыбола эшаш бола кхоачам.
«Вайцигара Ӏобаха болхлой тайп-тайпара балхаш чакхдоахаш, наьха вахара хьал тоадара тӀехьа къахьегаш боахк цига. ДӀахойодача хана а, мукъаяьхача моттигашта гӀо лоаттадеш, болх дӀахьоргба республико», - белгалдир вай Мехкадас Келаматанаькъан Махьмуд-Ӏаьлас.
