«РИА Новости журналисташка дийцар, 2024 шера вай экономически бувзамаш дегӀадоаладара тӀехьа къахьегаш хиларах.

- Экономически бувзам дӀачӀоагӀбе лерхӀ ВашагӀтехача Ӏарбе Эмираташца, Бахрейнаца, Египтаца, ГӀуозлой мехкаца.

-Египта Минтранспортаца бувзам лелабара кулг язде лерхӀ.

- Паччахьалкхен урхаллен университетаца барт бергба, цо таро лургья вай кагирхошта дешара, Ӏилман таронаш лакхъе;

-туризм, промышленность дегӀайоалаергья»,-аьлар Келаматанаькъан Махьмуд-Ӏаьлас. Цо белгалдир, республике кхоъ промышленни майда хилар, цар дӀалоац 150 гектар доазув, цар тӀа я 60-80% предприятеш.

Дика аьттув баьннаб «Южни» яха оалхазарий комплекс балха юкъейоалае - из эггара йоккхагӀа лоархӀ Къилбаседа Кавказе, цигамоскалаш а котамаш а хьалкхею. Хьайийллай, хӀама таьрахьашка даккхара эггара чӀоагӀагӀа накъаяргйола «Академи ИТ». КӀалах гӀирсаш дара болх юкъебаьккхаб, из СКФО гӀолла цу тайпара хьалхара гӀишло я. Вайцига иштта болх беш хургья газобетона блокаш еш йола гӀишло. Шера итташ эзараш кубометраш арахецаш хургья из, иштта «ЖӀайрахь» яха йоккха парк я хьалъе лерхӀаш.

ГӀалгӀайче дегӀабоагӀаш ба туристашца бу болх. Туристаш тӀакхеташ хилара кийчо еш я.

ГӀалгӀайчен Кулгалхочо беррига россенаькъан, кхыча паччахьалкхен викалаш хьоашалгӀа бийхар ГӀалгӀай мехка; хоза Ӏалам, дикача наьха хоза мохк царна дӀагойта.