ГӏалгӀайче дакъа лоацаш хилар КЭР штаба кхетачен юкъе
ГӏалгӀайчен Ӏалама Министерствон викал, экологически кхерамзлен, гонахьара Ӏалам лорадара урхаллен кулгалхо Баркинхой Адам дакъа лоацаш хилар комплексни экологически пурам далара (КЭР) йолча 35-ча штаба кхетаче, из укх деношка дӀайихьар ВКС кепара РФ Ӏалама Министерствон департамента кулгалхо Мальцев Роман керте а волаш, яхаш, дийцар «Сердало» газетага республикан Ӏалам лорадара боахаме.
Штаб вӀашагӀъеллай комплексни экологически пурам далар вӀаший бувзам лелабеш хургдолаш, уж цу гӀулакха йолча федеральни Ӏаьдала моттигашка хьалургдолаш. КЭР хьадалара йола ха Законо оттаяьй, 2024 шера оагӀой бетта 31-ча денга кхаччалца.
Экологе боахаме тхога баьча хоамах, КЭР - из каьхат да, гонахьара Ӏалам лорадара дола декхараш тӀадолаш.
«КЭРа новкъосталца Ӏалама гонахьара во хьал дӀадоаккх, Россе предприятей экологически хьал тоаду.
КЭР хьалуш яр Росприроднадзор я. Из хьадалар тийша да гонахьарча Ӏалама Ӏаткъаш йола 1-ча категоре гӀишлош йолча предприниматела, ший ханнахьа дехар хьаденна хуле», - аьлар ГӏалгӀайчен Ӏалама Министерствос.
